Oso somn?mbulo. Este artículo no está disponible.Oso somn?mbulo

O oso traballaba arreo para ter o bosque limpo e ordenado; pero, ao chegar o inverno, erguíase, somnámbulo, e non paraba de facer falcatruadas. Cando espertaba, na primavera, atopaba todo ciscado; daquela gruñía e buscaba no bosque os culpables da desfeita. Ata que un día, somnámbulo, caeu na trampa que el mesmo tiña artellado. Será o moucho quen axude o oso a “abrir os ollos” e reflexionar sobre as súas accións. Finalmente, os animais do bosque buscarán unha solución para convivir dun xeito pacífico. Joana Rocha escribe este divertido conto que fala da importancia de tomar conciencia dos nosos actos, para contribuír con iso ao benestar do grupo; unha importante mensaxe en clave metafórica, que tamén ofrece pistas sobre a importancia de aprender a resolver os conflitos, con enxeño e empatía. Zé Carlos Pinto crea ilustracións coloristas, graciosas e expresivas. Os personaxes animais, con pequenas concesións visuais á humanización, resultan moi suxestivos e estimulan a imaxinación dos lectores.