Artículos relacionados a གྲོད་པ་ཤ...
Sinopsis
དུས་རབས་ཕྱེད་ཀའི་སྔོན་གྱི་སྤྱི་ལོ༡༩༦༩ལོར། ཨ་རིའི་སྒྱུ་རྩལ་པ་ཨེ་རུས་ཁར་རོའོ་ཡིས་ཕྲུ་གུ་ཚོར་འབུའི་སྐོར་གྱི་སྒྲུང་དེབ་ཅིག་གསར་རྩོམ་བྱེད་རྒྱུར་མནོ་བསམ་བཏང་། ལོ་དེར་ The Very Hungry Caterpillar འགྲེམ་སྤེལ་བྱས། བསམ་ཡུལ་ལས་འདས་པ་ཞིག་ལ་དེའི་རྗེས་ཀྱི་ལོ་༥༠ཡི་ནང་དཔེ་དེབ་འདི་སྐད་རིགས༦༦ལ་སྒྱུར་ཟིན་ཞིང་། དེབ་འདི་ཁྱོན་ས་ཡ་༥བྲིན་ལ། བྱིས་པའི་རིས་དེབ་རྩེ་གྲ་ཞིག་ཏུའང་འགྱུར། ཝི་རྨང་ཤེས་བྱ་ཀུན་བཏུས་ལ་གཞིགས་ན། འཛམ་གླིང་ཐོག་ཆ་སྙོམས་སྐར་མ་རེར་《གྲོད་པ་ཤིན་ཏུ་ལྟོགས་པའི་སྔོ་འབུ་ཆུང་ཆུང་》ཞེས་པའི་དེབ་རེ་བྲིན་ཟེར།རྩོམ་པ་པོ་ཨེ་རུས་ཁར་རོའོ་ཡིས་བྱིས་པ་ཚོས་དགའ་པོ་བྱས་པས་གཞི་ནས་དེབ་དེ་ལོ་༥༠ཡི་ནང་མཚམས་འཇོག་མ་བྱས་པར་ཡིག་སྒྱུར་དང་བསྐྱར་པར་བྱས་པར་ངོས་འཛིན་བྱེད། ད་ལོ་ཏག་ཏག་དཔེ་དེབ་དེ་འགྲེམ་སྤེལ་བྱས་ནས་ལོ་༥༠འཁོར་བ་དང་། དེ་རིང་རྩོམ་པ་པོ་ཨེ་རུས་ཁར་རོའོ་དགུང་ལོ༩༠ལ་སླེབས་པའི་འཁྲུངས་སྐར་ཡང་ཡིན། དམིགས་བསལ་གྱི་དུས་ཚོད་དེའི་ནང་། ང་ཚོས་དགའ་སྤྲོ་དཔག་མེད་ངང《གྲོད་པ་ཤིན་ཏུ་ལྟོགས་པའི་སྔོ་འབུ་ཆུང་ཆུང་》ཞེས་པའི་དཔེ་དེབ་དེ་བོད་ཡིག་ཏུ་སྒྱུར་ནས་འགྲེམ་སྤེལ་བྱས། དེའང་བོད་སྐད་དེ་ཉིད་དཔེ་དེབ་དེ་སྐད་སྒྱུར་ཨང་༦༦བྱས་པ་དེ་རེད།《གྲོད་པ་ཤིན་ཏུ་ལྟོགས་པའི་སྔོ་འབུ་ཆུང་ཆུང་》ཞེས་པའི་དཔེ་དེབ་དེ་ལོ་༡ནས༦བར་གྱི་བྱིས་པར་ཕ་མ་ཚོས་ཀློག་ན་འཚམ་པ་དང་། ཨེ་རུས་ཁར་ཡིས་ཚོན་མདོག་དང་། ཟས་རིགས། ཨང་ཀི། དུས་ཚོད་སོགས་བྱིས་པའི་ངོས་འཛིན་གྱི་བརྗོད་བྱ་གཙོ་བོར་བྱས་ནས་སྔོ་འབུ་ཆུང་ཆུང་ཇི་ལྟར་བྱས་ཏེ་ཕྱེ་མ་ལེབ་ལ་འགྱུར་བའི་བརྒྱུད་རིམ་བཀོད་ཡོད། ཆབས་ཅིག་འདི་ནི་ཁུང་བུ་ཡོད་པའི་དཔེ་དེབ་ཅིག་ཡིན་པས། ཕྲུ་གུས་རང་དབང་མེད་པར་སྔོ་འབུ་ཆུང་ཆུང་གིས་ཁུང་བུའི་ནང་འཛུལ་བ་བཞིན་རང་གི་མཛུབ་མོ་ཁུང་བུའི་ནང་བརྒྱུད་པས། ཁོང་ཚོར་དཔེ་ཀློག་གི་སྤྲོ་སྣང་སྐྱེ་ངེས་ལ། བྱིས་དུས་ནས་དཔེ་ཀློག་ལ་དགའ་སྲིད།ཨེ་རུས་ཁར་རོའོ་ཡིས་ཕྲུ་གུ་ཚོར་རེ་བ་དགོས་ཏེ། སྔོ་འབུ་ཆུང་ཆུང་དང་འདྲ་བར་མ་གཞི་ཆུང་ཆུང་ཞིག་ལས་མེད་ནའང་། ཁོང་ཚོ་གཏན་གཏན་མཛེས་སྡུག་ལྡན་པའི་ཕྱེ་མ་ལེབ་ཏུ་འགྱུར་ནས་གང་སར་ཕུར་ཆོག ནོར་ནོར་བྱིས་སྒྲུང་ཁང་གིས་དུས་རྟག་ཏུ་འབད་བརྩོན་གྱིས་ལོ༠ནས༦བར་གྱི་བོད་པའི་ཕྲུ་གུ་ཚོར་དཔེ་དེབ་ཡག་ཤོས་དག་ཀློག་འདོན་ཐུབ་ནར་ཞབས་འདེགས་སྒྲུབ་ལ། ང་ཚོའི་རེ་བར་བོད་སྐད་ཀྱི《གྲོད་པ་ཤིན་ཏུ་ལྟོགས་པའི་སྔོ་འབུ་ཆུང་ཆུང་》ཞེས་པའི་དཔེ་དེབ་ཀྱིས་ཁོང་ཚོར་དཔེ་ཀློག་གི་སྤྲོ་སྣང་སྟེར་རྒྱུ་དང་། ཁོང་ཚོ་ཡང་མཛེས་སྡུག་ལྡན་པའི་ཕྱེ་མ་ལེབ་ཏུ་འགྱུར་ནས་འཛམ་གླིང་གི་ཕྱོགས་སུ་འཕུར་ཐུབ་པའི་རེ་བ་ཡོད།
"Sinopsis" puede pertenecer a otra edición de este libro.
(Ningún ejemplar disponible)
Buscar: Crear una petición¿No encuentra el libro que está buscando? Seguiremos buscando por usted. Si alguno de nuestros vendedores lo incluye en IberLibro, le avisaremos.
Crear una petición
