Xan é pequeno e gordecho, comellón e durmiñoco. Pericán é máis alto, come pouco e dorme menos. Xan e Pericán son deses amigos que sempre se perden nos camiños. Un día atopan un buraco no chan que os leva a unha cova con tres portas pequerrechas. A primeira era unha porta amarela cun cartel que poñía: "Aquí é onde comeza todo". A segunda era unha porta verde que poñía con letras grandes. "Se entras, nunca te perdes". A última era encarnada e tiña un sorriso pintado no que non poñía nada. A través das tres portas, Xan e Pericán coñecen a Anacleta que anda en bicicleta; ao señor Comendador, que vai en tractor e toca o tambor; a don Torcuato, o que vende vasoiras e amaña os zapatos; a don Claudio, médico de bruxas, xigantes e ananosà "Xan e Pericán" de Daniel Ameixeiro é unha narración que, aproveitando a estrutura dos contos acumulativos tradicionais, permite aos lectores avanzados de sete anos en diante unha viaxe polas tres portas da fantasía. Ao xeito da Alicia de Carroll, Xan e Pericán, os dous amigos caen no burato da imaxinación que os ha levar a coñecer personaxes máxicos e a superar probas nas que deben poñer en xogo todas as súas mellores habilidades. As espléndidas ilustracións a toda cor de Andrés Meixide realzan este texto, finalista do Premio Merlín de literatura Infantil 2003.
"Sinopsis" puede pertenecer a otra edición de este libro.
Biografía del autor:
Daniel Ameixeiro (O Grove, 1962) é enxeñeiro de Telecomunicacións e dende 1982 reside en Madrid, cidade onde traballa. En 1999 publicou Bonifacio foi a palacio, a súa primeira incursión na literatura infantil e xuvenil, á que seguiron Xan e Pericán (Xerais, 2004), que foi finalista do premio Merlín; A tenda de antigüidades (2004); Vila Cerdeira (2005); O capitán da baía (2005); Piratas, bruxas e outros amigos (2007) e O caderno vermello (2009). Ramón Piñeiro. Os días ocultos (Xerais 2009) é a súa primeira novela. Á parte da súa afección pola literatura, Daniel Ameixeiro está moi interesado na lingüística; leva bastantes anos traballando nunha recolleita fraseolóxica que ten case rematada.
"Sobre este título" puede pertenecer a otra edición de este libro.
- EditorialXerais
- Año de publicación2004
- ISBN 10 8497821246
- ISBN 13 9788497821247
- EncuadernaciónRústica
- Número de páginas72
- IlustradorMeixide Andrés