Raken, a cidade da orixe e o esquecemento - Tapa blanda

SINOPSE Pasado o ano 2080, a hexemonía do ser humano sobre a Terra sofre un profundo revés. As cidades están illadas unhas das outras e a supervivencia pasa por pequenas comunidades de persoas. Os recursos son moi escasos, pero non só se han preocupar por ter algo que levar á boca, senón tamén por non convertérense no prato do día “deles”. Algúns cren que son monstros, outros que son humanos que perderon toda a fe e a cordura. Outros, incluso pensan que son demos. Fil é un destes poucos superviventes, aínda que hai moito tempo que decidiu ir por libre, sen confiar en ninguén máis ca nel mesmo. Porén, cando se atopa con Inara todo pode cambiar, incluso o que el cre saber sobre o seu mundo. Aínda hai quen busca a verdade deste desastre, pero a maioría só ven algo certo: cada novo amencer vivo é unha nova vitoria fronte á morte.

Jorge A. Garrido é un novo autor nado en Jerez de la Frontera no ano 1981. En 2011 sorprendeu coa publicación do seu primeiro libro: Cautivo de las tinieblas. Unha novela de fantasía épica á que seguen El murmullo de la batalla e Los hijos de Daes. Estas tres conforman a saga Ojos de reptil, que representa os inicios do autor. Agora, con Raken, a cidade da orixe e o esquecemento, introdúcese nun novo xénero do que agarda obter, polo menos, as mesmas boas sensacións ca cos seus traballos anteriores.