Pepe Velo (Edición Literaria - Crónica - Biografía) - Tapa blanda

Este libro de Antonio Piñeiro é unha crónica que recupera a nosa memoria e procede á reconstrucción histórica dun dos personaxes galegos máis singulares, Pepe Velo. En 1961, capitanenando un comando baixo as siglas do DRIL, Pepe Velo procedeu ó espectacular asalto e secuestro do barco portugués Santa María, para portestar contra as dictaduras de Franco e Salazar. Pepe Velo era sobre todo, en palabras do prologuista do libro Manuel Mera, un home que amaba a Galicia e que dedicou a súa vida a servir á súa patria e loitar contra a dictadura franquista. Antonio Piñeiro -xornalista ourensán, vicepresidente do Patronato Curros Enríquez e actual secretario do Seminario de Estudios Celanovenses- paséanos pola vida de Velo, desde a súa nenez á militancia galeguista, a súa participación na Federación de Mocidades Galeguistas, os primeiros poemas, á Guerra Civil, a loita clandestina en Vigo, os seus procesamentos, fuxida, ó exilio de Venezuela e a particiación no Lar Galego, ata á madurez política. Demórase nos episodios de antes e despois da captura do Santa María: a fundación do DRIL, as primeiras accións dentro do Estado español, a preparación do asalto ó barco portugués, as tensas relacións con Galvao e os problemas que se orixinan coa tripulación durante o secuestro, o exilio en Brasil e a actividade editorial.