Lingua e literatura 3º ESO (2015) (Libros De Texto - Educación Secundaria Obrigatoria - Lingua) - 9788499148861 (Lingua e literatura ESO) - Tapa blanda

Comunidad autónoma: Galicia.

Ana Iglesias Álvarez (Vigo, 1973) é licenciada en filoloxía hispánica e filoloxía galego-portuguesa. Desde o inicio da súa actividade investigadora centrouse no ámbito da Socioloxía da linguaxe, en concreto na análise das actitudes e ideoloxías lingüísticas en situacións de linguas en contacto. A parte empírica da súa investigación desenvolveuna principalmente en Galicia, pero tamén noutras comunidades españolas, como Cataluña e Euskadi. Participou en numerosos congresos en varios países, e ten publicados diversos artigos en revistas especializadas, como Verba, Cadernos de Lingua, ou Estudios de Sociolingüística. Defendeu a súa Tese de Doutoramento na Universidade de Santiago de Compostela, co título Actitudes e ideoloxías lingüísticas a través do discurso: A situación en distintas comunidades de España. Dedícase así mesmo ó campo da Psicolingüística e forma parte dun grupo de investigación integrado na devandita Universidade, que ten como obxectivo a " Elaboración dun test (lingüístico) para avaliar déficit comunicativos en idade infantil " . Ademais, traballa actualmente como traductora-intérprete na Audiencia Provincial de Pontevedra. É autora de Falar galego: " no veo por qué " . Aproximación cualitativa á situación sociolingüística de Galicia (Xerais 2003).

Anaír Rodríguez (Vigo, 1978) licenciouse en Filoloxía Galega pola Universidade de Vigo e traballa dende hai anos como editora en Edicións Xerais, o que compaxina co activismo a prol da lectura na asociación Espazo Lectura, da que é socia fundadora. É coautora de diversos materiais de ensino da lingua galega, tradutora de obras da literatura infantil e xuvenil e autora dos álbums «Pioneiras. Galegas que abriron camiño» (Xerais 2018), ilustrado por Nuria Díaz, e «Pioneiras 2. Galegas que abriron camiño» (Xerais 2019), con ilustracións de Abi Castillo.